బెంగాలీ లో వచ్చిన ’అగ్ని సంస్కార్ ’(1961) చిత్రం ఆధారంగా తెలుగులో ’ఆత్మబలం’ (1964) సినిమాని తీశారు. వాన పాటలకి దారి చూపించిన ’ఆత్మబలం’ లోని ’చిటపట చినుకులు పడుతూ వుంటే’ గురించి ఇవాళ కొత్తగా చెప్పాల్సిందేమీ లేదు. నిర్మాతగా ఈ సినిమాను తీసిన జగపతి పిక్చర్స్ వి.బి. రాజేంద్ర ప్రసాద్ తొమ్మిదేళ్ళ తర్వాత నిర్మాత - దర్శకుడిగా అదే బ్యానర్ పై ’ఎంగల్ తంగ రాజా’ (1973) అనే సినిమాని తమిళంలో తీశారు. తెలుగులో శోభన్ బాబు హీరోగా వచ్చిన ’మానవుడు- దానవుడు’ (1972)ఈ చిత్రానికి అధారం. ఈ తమిళ చిత్రంలో ఓ హిట్ పాట కావల్సి వచ్చి తెలుగులో వున్న ’ చిటపట చినుకులు పడుతూ వుంటే’ పాట ట్యూన్ ని వాడుకున్నారు. తెలుగు, తమిళ చిత్రాలు రెండిటికీ వి.బి. రాజేంద్రప్రసాద్ గారే హక్కుదారుడు. రెండు చిత్రాలకూ కె.వి. మహదేవనే సంగీత దర్శకుడు. ఈ విషయం తెలియక కాపీ అని అనేస్తారు. పూర్వాపరాలు తరచి చూస్తే కాపీ అని ముద్ర వేసేసిన పాటలెన్నిటి వెనుక బోలెడన్ని కథలూ - కమామీషులు వుంటాయి. వాటిని తెలుసుకోకుండా, తెలిసిన వారిని అడగకుండా ’కాపీ’ అనేయడం తేలిక . ఆత్మబలం , ఎంగల్ తంగ రాజా చిత్రాల్లో పైన ఉదహరించిన పాటల లింకులు దిగువన ఇస్తున్నాను. పూర్తిగా విని ఆనందించండి.
(!) https://youtu.be/0doquHeOXjg
(2) https://youtu.be/Y6YtvVqk03I
