'కొమరం పులి ' సినిమాలో 'సూటిగ సూటిగ ధీటుగ ధీటుగ నాటుకు పోయిన చూపుల కొట్టుడు ' అనే స్పీడ్ సాంగ్ గుర్తుందా ? ఆ పాటని పాడినమ్మాయి పేరు శ్వేతా మోహన్. మోహన్ అన్నది వాళ్ళ నాన్నగారు కృష్ణ మోహన్ నుంచి వచ్చినది. ప్రముఖ గాయని సుజాత కూతురీమె.చెప్పవే చిరుగాలి (ఒక్కడు) ఆబ్బబ్భా ఇద్దూ (చూడాలని వుంది,చెప్పనా ప్రేమా(మనసంతా నువ్వే)పాటలు గుర్తున్నవాళ్ళకి సుజాత గారి గురించి ప్రత్యేకంగా చెప్పక్కర్లేదు. శ్వేత కూడా చాలా మంచి గాయని.ఖలేజా లో పిలిచే పెదవుల పైనా,రోబో లో',చిట్టి చిట్టి రోబో-బూం బూం రోబోరా', సిద్దూ ఫ్రం శ్రీకాకుళం లో 'న నా బాబ నా'వంటి కఠినమైన,మంచి మంచి పాటలున్నయ్ ఆమె క్రెడిట్ లో. 'పులి 'లోని స్పీడ్ సాంగ్ వినగానే ఆమె ని కాంటాక్ట్ చేసి తన గురించి తెలుసుకుని అదంతా ఐడిల్ బ్రెయిన్.కాం లో 'ఎ సాంగ్ టు రిమెంబర్ ' అనే శీర్షిక లో ఆమె గురించి రాశాను. ఆ రిలేషన్ ని మనసులో పెట్టుకుని హైద్రాబాద్ లో ఓ షో ఇవ్వడానికి వచ్చినప్పుడు నన్ను కలిసింది. ఆ సందర్భంగా ఆమె కి ఈనాడు,సాక్షి పేపర్లలో, మా టీవీలో ఇంటర్వ్యూలు చేయించాను. అతి తక్కువ టైంలోనే ఆత్మీయురాలై పోయింది. ఆ సందర్భంగా తీయించుకున్న ఫొటోలే ఇవి.
No comments:
Post a Comment